tirsdag, november 28, 2006

T5PC...

Eg les ein sak hos NA24 i ettermiddag.
Det handlar om T5PC, the five percent comedians. Mange småspararar og bygdetullingar likte konseptet deira, som gjekk ut på at man kunne bestille sitt eige luftslott eller få sydd seg eit sett av Keisarens nye klær på internetet.

Eg har opptil fleire kjenningar som hadde klokkartru på World Games, eit anna spel mange Finnmarkingar kosa seg med for nokre år sidan. Konseptet gjekk ut på at man betalde inn ekte pengar og fekk monopolpengar attende, noko svært mange tydelegvis tykte var ein god idé.
Dei samme folka finns i dag å treffe på ein Narvesenkiosk nær deg, der dei heng over ein speleautomat med tomt blikk.

Eg følde aldri heilt at dette angjekk meg, før eg fekk sjå saka i NA24 her i stad. Det vis seg at godtruande motorsykkelungdom har late seg kasta blår i augane på og betald inn sparepengane til T5PC. Pengar dei hadde ærleg tjend og spinka og spart forsvann, saman med drøymen om maling til klubbhuset, sikkerheitskurs eller kanskje ein skikkeleg klubbfest med boller og brus. Eller kva med nokon Harley-effektar under treet til jul?

Slike smaklause svindelpyramidar har ein tendens til å ramme dei svakaste i samfunnet. Denne gongen var det austlandets blåaugde Harleymiljø som fekk treffe dei samvitslause blodsugarane!

Eg vonar han Ingulf har pengane sine trygt i banken....

tirsdag, november 21, 2006

Triumph på offensiven...

Eg har nett fått maila over ei ny Triumph-annonse dei planlegg å trykke i "Finnmarken", lokalt tilsnitt og lokale karar preg annonsa. Håpar salet tek seg opp...Her ser dykk forsia på den nye katalogen deira:


Full satsing i Varangerområdet fra Triumph!

Meire kabelmysteri...

Tenk deg, dei hjelpsomme folka hjå Hi-Ficenterkjeden har vorte så elskverdege at dei har letta litt på sløret, ja nærast avsanna og folkeleggjord litt av kabelmysteriet!

Les berre:
La oss slå en ting fast med èn gang. En kabel er et filter. Og et filter er ikke ønskelig i en signalkjede som har til oppgave å gjengi musikk korrekt. De beste kablene blir da derfor de som har minst mulig filter-effekt! (Så enkelt er det!)

Ja godtfolk, så enkelt er det! Filtereffekten! Og no skal onkel Lydonen som har 2 år på framhaldsskulens elektrolinje og G+ i Nynorsk fra grunnskulen redegjere for ein typisk plateinnspeling, lat oss for moro skuld ta for oss Hifinerd-favoritten "Gåte ved Gåte" fra Kari Bremnes, og innspeling av eit gitarspor herfra. For å forklare betre erstattar eg alt som kan oppfattast som eit filter i innspelingsprosessen med samlebegrepet filter.

Her kjem soga:
"Gitaristen Børge P. Øverleir kjem tidleg i studio denne morgonen, og finn frem ein av workshop-strattane sine. Pluto har montert nokre nye pick-upfilter, og Børge og teknikaren Truls er spend på korleis dei let.
Børge finn frem eit jack-jack kabelfilter og pluggar i triaxis-forsterkar-filteret. Eit anna kabelfilter fører signalet ned til eit Marshall høgtalar-filter der fleire mikrofonfilter fangar opp lyden og transporterar det via fleire xlr-kabelfilter og inn på miskarbordet, ein komponent satt saman av hundrevis av filtre, dei fleste av det slaget hifi-folket hatar, her fins fasefilter, hipass-filter, eq-filter og fleire dynamiske filter av uhøyrd analog modell, før lyden får gå via ein veritabel bandspagetti av kabelfilter via fleire koblingspunkt-filter og inn til sjølve bandopptagar-filteret. Signalet skal nå produserast, prosesseras og filtreras i nærast det uendelege, miksast saman med eit uendeleg antal andre opptak og filterast saman til ein ferdig skive. Truls og Børge leikar seg med filtrane i studio og veit at dei er i ferd med å filtrera saman noko som kjem til å ta hifi-verden med storm!!"

Soga er sjølvsagt fiktiv. Men du kjøper altså det ferdege produktet, puttar det inn i cd-spelarfilteret ditt og trykkar PLAY, lyden fér gjennom kabelfiltra dine, inn i forsterkarfilteret (som får kabelfiltrane til å minne om ein dans på rosar) gjennom høgtalarkabelfiltrane og ut i høgtalarfiltrane (som får forsterkarfilteret til å minne om ein tur i parken) deretter gjennom lufta med lydens hastighet og inn i øyrefiltra dine for evaluering.

Ja lat oss berre slå det fast med ein eineste gong, EIN KABEL ER EIT FILTER!!!

Og visst har keisaren klede på seg, beste silke og dyraste pels, kan dykk ikkje sjå???

mandag, november 13, 2006

Kabelmysteriar...

Les du Hi-Fi pressa slik eg også gjer?
Eg var abonnent hjå Lyd og Bilde i et par år. Egentleg berre fordi dei selde pakkeløysningar med billege dvd'ar med bladet lurd inn.
Noko av det festlegaste man kan lese i slike blad er kabeltestar. Eit lyttepanel av ihuga hifi-nerdar evaluerar ivreg diverse kablar, medan dei lyrisk beskriv dei flotte og musikalske egenskapane til kablane. "perspektivet i musikken trer frem" med ein kabel medan "fiolinisten stryker varsommere over strengene" med ein annan. Også intonasjon kan forbetras med visse kablar les eg. For ikkje å nemne kva fordelar ein oppnår om ein kjøper isolatorar spesialbygd for å lyfte kablane opp fra golvet, da opnar ein ny verden seg fortel dei. Alt dette gjeld sjølvsagt berre om kablane har vorte skikkeleg innspeld.
Så kva tror du? Ein elektrisk ledar av metall hvis oppgave er å lede strøm, kor musikalsk kan han vere? Sit det musikalske geniar på kabelfabrikkane og blander metall-legeringar til perspektivet ramlar på plass og gitaranslaget let flott nok??
Det gjer nok diverre ikkje det. 80% av staben jobbar med design og marknadsføring på ein slik fabrikk.
Det fins diverre ikkje så mange måtar ein kan lede strøm på, og variablane er metallet sine eigenskapar som elektrisk leder. Nokon hemmelege formlar for å putte meire luft og nærleik inn i musikken, ja nærast anta ein produsentrolle på ein allereie ferdigprodusert og mastra skive og gjere store forbetringar på det musikalske uttrykket til orkesteret fins diverre ikkje.
Kan eit par meter kabel mellom høgtalar og forsterkar justera bort musikalske feil, turbolade orkesteret og beint frem utretta mirakel?? Det fins ikkje grensar for kva hifi-folket trur på, her har eg saksa eit par gullkorn:

"Metallerne i kablerne er simpelt hen tappet for elektroner - der er kun atomkernerne tilbage når man køber et kabel. Det er derfor nødvendigt at tilspille kablerne i længere tid for at undgå ioniserede atomer" (om viktigheten av innspeling av kablane)

"The damn things do lower noise, increase dynamics, remove haze and open up the top octaves"
(om cable elevators, kor produsenten lovar "tremendous improvements in tonal accuracy")

"Kablene utmerker seg med sin nøytrale og åpne spillestil. Rommet som trekkes opp, er formidabelt, og det er mye luft rundt enkeltmusikerne. Stereoperspektivet er bredt, om ikke så ekstremt som med xxxx xxxxx. Mellomtonen har derimot mer kjøtt på benet når xxxxxxx står for signaloverføringene, og spesielt vokaler fremstår fyldigere. Kobberkablene fra xxx-xxxxx er generelt sterke i disiplinen organisk gjengivelse av stemmer uten at de lar seg friste til å overfokusere eller legge på litt ekstra slik en del kabler har en tendens til. Bassens gjengivelse er gjennom-gående stram og hurtig. Ikke like superrask som for eksempel kabler fra xxxxxxx, men med en desto mer troverdig klangbalanse."