All You Zombies..

Stadig får eg meilar fra godtfolk og blir stanna ute på byen av kvilelause sjelar som har trøsta seg med "Bensintankar" ein mørk natt.
Dykk sjokkar rundt her inne lik zombiar og sug til dykkar lyriske augneblunk og skeive blikk rundt livet på bygda. Veltar dykk i sladder og anekdotar om hvermansen.
Men dykk sett ikkje spor, meldar ikkje attende, kommenterar ikkje kva inntrykk de har sugd inn og fortært her inne!!
Ratingen er på bunnen godtfolk! Steingolvet på botn av internettet har treft oss! Mest lik den flygande Hollendar siglar vi rundt her inne, livlause!!

Meld attende! Vis livstegn! Engasjer dykk! Snyltarar!!

Medgongssupportarar...

Rart korleis ein oskuldig hending kan settja i gong ei tankerekke..Eg møtte ein far på coop'en her ein av dagane. Sonen hass på to år vart kledd opp i ein velkjende røde klede og allereie godt drilla når faren spurde kven som kvart best, da svara sonen sporenstreks "mænsjestesjunaiti" .
Ikkje for å arrestera vedkommande for å snu kappa etter vinden, men det er noko irriterande med heile Man United og alle som heiar på dei. Kvifor i svarte kan dei ikkje finne seg nokon betre dei kan halde med?
Samme sak i Singapore, folk i raude trøyer satt foran storskjermen på fotballpøbben og justerte sinnstemninga si etter kva som skjedde i eit lokaloppgjer i ein middels god liga på den andre sia av jordkloden. Heim og banke kjerringa om ikkje naboderbyet i den engelske industriarbeidarbyen gjekk i "deira" favør. Og dyr Heineken i handa framfor godt lokalt brygg hadde dei jamvel.
Så kom ikkje og fortel meg at ikkje reklamens makt er stor!!
Samme på Formel1-løp. Schumacher, Schumacher og Schumacher!! Spør ein av disse såkalla Formel1-fansa om navnet på ein av dei andre kjøyrarane! Ikkje det nei? Og jamvel om Schmacher er god er han også ein usportsleg kar med masse dårleg opptreden på banen og slett ikkje nokon god ambassadør for den drepande kjedelege F1-sporten der alt vert avgjerd i depotet.
Og Motorsykkel-GP! Gult i gult, alle held med Rossi. Utan å tenka seg om held dei berre med Rossi. Han er god, javel! Men med best team, best support fra dekkfabrikken og flest pengar blir maktbalansen skeiv.
Så kva er det som gjer at alle vil kjøyra "safe" og velge minste motstands veg? Ikkje veit eg, men det må vere noko med flokkmentalitet, redsle for å bli oppfatta som annsleis. Eit ønske om å bli oppfatta som Streit.
Sjå! Eg held med united!! Sjå, eg er Harley-mann, eg med!!

Også kyllingelskaren, min gode nabo. Han blei kristna med det namnet på grunn av sin gule Daytona og sin omgang med påskegule Rossi-effektar!!

Varanger MC, igjen..

Eg sit her i lågt haustljos og grunnar over livets store mysteriar...

Eg har nett titta på nokre treffbillete over på sia hjå varanger MC og tillet meg å vende attende til det store spørsmålet: Kvifor er eg ikkje medlem hjå dei? Svaret kom til meg over eit glas på ei kneipe i Kaunas, Litauen: Eg har ingenting der å gjera! Rett og slett..
Eg kjenner jo karane og treff dei i forskjellige samanhenger, men noko brorskap berre fordi eg har MC føler eg ikkje behov for. Eg har jo både lastebil og firehjulstrekkar også utan at eg finn det naudsynt å melda meg inn i foreningar for slikt.
Noko av det gildaste karane veit er å fara på treff, men eg reiser mange nok dagar i året som det er og kan ikkje fordra kummerlig innkvartering, samstundes som heile symbolikken med dongerivestar og tautrekkjing samt primitiv retorikk ikkje frister særskilt. Overstyrte lydanlegg og uartikulert rauting for å markera revir inngår vanlegvis ikkje i mine fritidsplanar heller.
Nei, nokre raudvinskveldar med allminneleg godtfolk skyr eg ikkje men heile mc-klubbgreia blir noko ramsalt for mine preferansar. Det er skilnad på folk. Lukkelegvis.